Fréttir

Í dag hafa 10.bekkingar heimsótt fyrirtæki á staðnum og nemendur í 5.- 9.bekk fóru í Ísfélag Vestmannaeyja og heimsóttu þar landvinnsluna og bræðsluna. Það er skemmst frá því að segja að viðtökurnar þar voru höfðinglegar og nemendur drukku í sig fróðleik og skemmtun - og sáu jafnvel tilgang með því að læra eðlisfræði! Kiddi Kalli, Gunnar, Rabbi og Kiddi, kærar þakkir fyrir frábæran dag - þið eruð höfðingjar heim að sækja! - Sem og þið öll sem þar vinnið!.

Í þessari viku eru einungis tveir kennsludagar, þ.e.a.s.ef af verkfalli verður, en hún er tileinkuð atvinnulífi staðarins. Nemendur munu kynnast störfum sveitarstjórnar, verkefnum sveitarfélaga, starfsemi fyrirtækja á svæðinu eða vera í öðrum verkefnum sem skilgreind eru og skipulögð í sameiningu af skóla og heimilum.

Nú á fimmtudaginn, 15.maí er fyrsti verkfallsdagur af þremur sem hefur verið boðaður hjá Félagi grunnskólakennara.Ef af verður, er því engin kennsla hér í GÞ þar sem allir þeir sem sinna kennslu hér í skólanum eru í FG. Skólastjóri og stuðningsfulltrúar verða við vinnu. Það er von mín að vinnudeila leysist sem fyrst með sem farsælustum hætti fyrir alla hlutaðeigandi.

Á föstudaginn kemur verður samtalsdagur hér í skólanum okkar.Foreldrar og/eða forráðamenn eru beðnir um að skrá sig á Mentor.Hér fylgir með myndband um það hvernig þið skráið ykkur á ákveðinn tíma - fyrstur kemur, fyrstur fær! https://www.youtube.com/watch?v=lLHx3ngQD6g.

Glæsilegum tónleikum Tónlistarskóla Langanesbyggðar er lokið og okkar listamenn hafa lokið sínu skólaári í tónlistarskólanum.Frá uppskeruhátíðin var glæsilega í alla staði þar sem listamennirnar okkar í Langanesbyggð og Svalbarðshreppi stigu á stokk og sýndu vetrarstarfið.

Vonandi sjáum við sem flesta á vortónleikum í dag kl.17 í Þórsveri.

Samkvæmt Skólapúlsi nú í vor meta nemendur það svo að agamál hafi batnað mjög frá því haust og er það afskaplega gleðilegt því með batnandi agastjórnun batnar líðan, vinnusemi eykst og árangur batnar.

Nú eru niðurstöður nemendakönnunar Skólapúlsins komnar í hús og þar kemur í ljós að áhugi á stærðfræði er jafnt og þétt að aukast hér í skólanum.

Starfsmaður Sparisjóðs Norðurlands, Úlfhildur Ída Helgadóttir, kom færandi hendi inn í 8.bekk í morgun og gaf öllum vasareikni.Við þökkum sparisjóðnum kærlega fyrir og mun vasareiknirinn nýtast þeim vel á komandi námsárum þeirra.