Fréttir

Hrafngerður okkar er að spóka sig í útlöndum en á meðan björgum við okkur.Hér eru þau Árni, Þórhallur og Hólmfríður að setja saman frábærar geimverur! Þó að Hrafngerði vanti, vantar ekkert upp á vinnusemina og sköpunargleðina! Á milli fingra Ingimars er agnarsmár kross sem hann pússar af mikilli natni! Er hann Unnar að undirbúa sig fyrir tannlæknanámið, eða verður hann kannski smiður? Ja nema hann bregði sér á víkingaleikana með svona flott sverð!.

Norðurljósin léku sér dátt og Guðjón Gam náði þessari frábæru mynd af dansi þeirra!

Hér má nálgast matseðil fyrir október mánuð. Sniðugt að hengja hann á ísskápinn og fylgjast með hvaða kræsingum við gæðum okkur á hérna í skólanum alla daga.

Skólasetning, fjölgreindarleikar, Fiðlan og fótstigið, Eldbarnið, Norræna skólahlaupið, Göngum í skólann, samræmd próf, bekkjarkvöld, námsefniskynningar að ógleymdum Skuggamyndunum frá Býsan eru allt hugtök og heiti sem finna má fréttir af hér á síðunni! Að auki hefur verið upplestur á bókasafninu, samspil hjá Kadri auk alls kyns námslegra viðfangsefna annrra.

Nú er að baki vikan þar sem átak var í því að koma gangandi í skólann.Krakkarnir stóðu sig mjög vel - og sumir í starfsmanna hópnum líka, en aðrir síður! Kannski eins og gengur.

Á mánudaginn 28.september klukkan 20:30, verður erindi á vegum Heimilis og skóla (væntanlega í Þórsveri). Við fögnum komu fulltrúa þeirra hingað til okkar og vonandi komast sem allra flestir þetta kvöld, því sagan sannar að gott samstarf er lykillinn að árangursríku skólastarfi. Í fyrirlestrinum verður farið yfir mikilvægi og ávinning af góðu samstarfi milli heimilis og skóla.

Grunnskólinn á Þórshöfn mun taka þátt í Göngum í skólann, verkefni á vegum Íþrótta- og Ólympíusambands Íslands, Embætti landlæknis, mennta- og menningarmálaráðuneytisins, Ríkislögreglustjóra, Samgöngustofu, Slysavarnarfélagsins Landsbjargar og Heimilis og skóla. Göngum í skólann verður sett mánudaginn 21.