Fréttir

Nú er námsmatsviku lokið hjá okkur í grunnskólanum.Nemendur hafa staðið sig með prýði þessa vikuna líkt og aðrar. Á mánudaginn er leyfi hjá nemendum en þá er undirbúningsdagur starfsmanna.

  1.-12.febrúar mun Foreldrafélag Grunnskólans á Þórshöfn ásamt góðum styrktaraðilum bjóða upp á leiklistarnámskeið fyrir alla nemendur skólans. Til verksins hefur verið fenginn Jóel Ingi Sæmundsson, leikari, en hann er okkur góðkunnur hér á Þórshöfn, þar sem hann ólst upp og gekk hér í grunnskóla. Á námskeiðinu fá nemendur þjálfun í hvernig koma skuli fram við annað fólk, þau læra að virða hvort annað og losa hömlur sem svo oft liggja á unglingum.

Krakkarnir okkar og Bakkfirðingar fóru í kertasund nú fyrir jólin og mikið sem það er fallegt að sjá! Gleðin lýsir úr hverju andliti og stemningin er töfrum líkust! Þau Katrín og  Pálmi sem hafa verið að leysa Steina af í fæðingarorlofinu hans hafa nú kvatt okkur og eru farin suður, en hver veit nema þau komi aftur í heimsókn til okkar!

  Að baki er yndisleg samvera okkar allra hér í skólanum.Nemendur og starfsfólk mættu í sínu fínasta pússi í skólann í morgun og nutu sín, þennan síðasta skóladag ársins.

Nemendur í 1.- 4.árgangi sögðu frá í máli og myndum efni jólaguðsspjallsins og komu foreldrar í heimsókn og nutu frásagnarinnar!  .

2.-4.árgangur fór í heimsókn á slökkvistöðina á mánudaginn var þar sem  tekið var mjög vel á móti okkur.Krakkarnir fengu að skoða tól og tæki, fengu að prufa að vera í reyk og Tóti sýndi þeim reykkafarabúning.