Jólastöðvar eru líka nám!

Jólastöðvarnar okkar eru uppbrot á hefðbundnu skólastarfi, - eða eru þær kannski bara eins og skólinn ætti að vera alla dag?  Það er nú stóra spurningin!

En að minnsta kosti er það svo að við í skólanum stöndum á því fastar en fótunum að skapandi skólastarf sé líka nám og ekki síðra en annað nám!

Hér fylgir með, markmið og námsmatsþættir jólastöðvanna:

Markmið jólastöðva eru þessi:

Jólastöðvar Grunnskólans á Þórshöfn eru tveir skóladagar og er markmiðið með þeim fjölþætt:

Fjölbreytilegt námsumhveri og kennsluaðferðir, sem eru hvetjand og styðjandi skipta miklu máli til þess að nemendur nái að auka hæfni sína og færni. Verkefnin á jólastöðvunum eru fjölbreytt og þjálfa mismundandi hæfni nemenda. Fjöldi námsgreina koma við sögu, m.a. íslenska, saga, auk list og verkgreina.

Eitt hið mikilvægasta í öllu skólastarfi er að skapa góðan skólabrag og þar skiptir mestu samskiptahæfni nemenda. Með því að aldursblanda nemendum á stöðvarnar læra þeir að umgangast fleiri en bekkjarfélaga sína og þjálfast í að aðstoða og umgangast sér yngri eða eldri nemendur.  Viðfangsefni sem tengja skólastarfið við daglegt líf og störf sem nemendur sinna í framtíðinni stuðla að alhliða þroska, velferð og hæfni nemenda.

 Rökstuðningur og markmið eru tekin úr Aðalnámskrá grunnskóla

Námsmat mun eiga sér stað í kjölfar stöðvanna, bæði sjálfsmat og kennaramat. Þar verður lögð áhersla á að meta:

 Áhuga og frumkvæði

Kurteisi og tillitssemi

hvernig gengur að fara eftir fyrirmælum og vinnulag nemenda

Umgengni og frágang

Samvinnu við aðra nemendur og hjálpsemi