Framhaldsskólinn á Laugum býður heim

Framhaldsskólinn á Laugum býður alla velkomna á opinn dag í íþróttahúsi skólans á sumardaginn fyrsta, 23. apríl, kl. 13:00 - 16:00

Tilvalið er fyrir nemendur grunnskóla og foreldra þeirra að koma og eiga góðan dag. Kynning verður á námsframboði skólans, en hann býður upp á nám á almennri námsbraut, félagsfræðibraut, íþróttabraut og náttúrufræðibraut. Einnig verða verkefni nemenda í einstökum áföngum til sýnis og til kynningar. Nemendafélag skólans, NFL, verður með kynningu á félagslífi nemenda auk þess að bjóða upp á kynnisferðir um húsakynni og heimavistir skólans.Veitingar verða í boði skólans frá kl. 14:00 - 16:00 í matsalnum í Gamla skóla. Skólahljómsveitin Galilei mun halda tvenna styrktartónleika á skrifstofu skólameistara í Gamla skóla. Þá fyrri kl. 13:30 og þá seinni kl. 15:00. Aðgangseyrir er 1000 kr. og rennur hann óskiptur til Styrktarsjóðs Umhyggju - félags til stuðnings langveikum börnum. Aðrir aðilar sem taka þátt í deginum og kynna sína starfssemi eru:

• Brunavarnir Skútustaðahrepps og Þingeyjarsveitar
• Björgunarsveitir í Þingeyjarsveit
• Kvenfélagasamband Suður-Þingeyinga
• UMF Efling
• Urðarbrunnur
• Rauði krossinn Þingeyjarsýslu
• Skákfélagið Huginn

Héraðsmót HSÞ í skák í fullorðinsflokki 2015 fer fram á Laugum sumardaginn fyrsta kl 15:00. Skráning: lyngbrekku@simnet.isAð lokum býður Þingeyjarsveit öllum gestum og gangandi FRÍTT í sundlaugina á Laugum milli kl. 14:00 og 18:00.