Færslur eftir: grskth

Hlutverk okkar.

Þessi póstur kemur frá skóla í Portúgal og fer eins og eldur í sinu um Danmörku og Sviþjóð. Þýtt yfir á íslensku og setur uppeldi barna, nám þeirra og hlutverk foreldra og skóla í gott samhengi. Góð áminning !

Kæru foreldrar við minnum ykkur á eftirfarandi:

• Það er heima sem börn læra töfraorðin gjörðu svo vel, afsakið, viltu vera svo væn(n) og takk.
• Það er einnig heima sem börn læra að vera heiðarleg, stundvís, segja satt, vera iðin og sýna samstöðu.
• Heima læra þau einnig að bera virðingu fyrir vinum sínum, þeim sem eldri eru og öllum kennurum.
• Heima lærir barnið þrifnað, að tala ekki með fullan munninn og að henda ekki rusli úti í náttúrunni eða á gólfið.
• Heima lærir maður einnig að skipuleggja sig, passa eigur sínar og virða eigur annarra.

Hér í skólanum kennum við íslensku, stærðfræði, samfélagsfræði, lífsleikni, náttúrufræðigreinar, mynd- og handmennt, ensku, dönsku, íþróttir, heimilisfræði o.fl.
Í skólanum er stutt við uppeldi foreldra en foreldrar bera frumábyrgð á uppeldi barna sinna.

Brúðusýning í Þórsveri á morgun föstudag.

Sýning í Þórsveri kl. 9:15 í fyrramálið, í boði þjóðleikhússins. Ekki á vegum skóla en skólabílar eru í boði fyrir nemendur. Stuðningsfulltrúar taka á móti nemendum og verða með þeim á sýningunni. Sýningin er í boði fyrir elstu árganga leikskólans og 1.-4. bekk grunnskólans.

Bernd Ogrodnik brúðulistamaður hjá Brúðuheimum, mun ferðast með Þjóðleikhúsinu um landið í september á þessu ári með sýningu sína „Sögustund”. Sýningin er brot úr sýningu sem Bernd er búinn að ferðast með um allan heim þar sem sýningin hefur verið sýnd í stórum leikhúsum og á virtum leiklistarhátíðum. Hvarvetna fær sýningin gríðarlega góðar viðtökur og er hér því um einstakt tækifæri að ræða.

Með góðri kveðju,  Ásdís Hrönn Viðarsdóttir

Bernd Ogrodnik

Skólasetning

Grunnskólinn verður settur í íþróttasalnum í íþróttahúsinu í dag kl. 16:00.

Að setningu lokinni býður foreldrafélagið upp á grillaðar pylsur upp við skóla.

 

Skólabyrjun

Starfsfólk skólans er nú mætt til að undirbúa skólaárið sem senn hefst.

Skólasetning verður á föstudaginn, 24. ágúst kl. 16:00 í Skrúðgarðinum ef veður leyfir, annars í íþróttahúsinu. Skólahald hefst samkvæmt stundaskrá mánudaginn 27. ágúst kl. 8:10.