Skólaslit 2016

systur_skolaslit

Skólaslitin fóru fram í einstaklega fallegu veðri og var nokkuð vel mætt.

Við útskrifuðum þrjá nemendur sem halda nú á vit nýrra ævintýra í nýjum skólum og óskum við þeim alls hins besta.

Foreldrafélagið var með kaffi að athöfn lokinni og þar var vel veitt og rúm hefði verið fyrir miklu fleiri. Í skólanum var svo stórglæsileg listmuna og verkgreinasýning.

Skólaslit 2016 skólaslitaræðu skólastjóra, Ingveldar Eiríksdóttur sem nú lætur að störfum eftir fjögur ár á Þórshöfn.

Skólaslit í dag klukkan 14:00

elías_sumarnótt

Sumarnótt á Langanesi 28.05.2016 Elías Pétursson

Á eftir dásamlegri nótt kemur jafnvel enn fegurri dagur!

Skólaslitadagur Grunnskólans á Þórshöfn.

Skólaslitin verða í Þórshafnarkirkju klukkan 14:00

  • Ávarp skólastjóra
  • Ávarp formanns Nemendafélagsins Öldunnar
  • Nemendur kvaddir eftir árgöngum – umsjónarkennarar
  • Útskrift 10. bekkinga
  • Skólastjóri þakkar starfsfólki.
  • Athöfn lokið í kirkju
  • Listmunasýning í Grunnskólanum, nemendur taka sitt handverk heim til varðveislu.
  • Foreldrafélag verður með kaffisölu í Þórsveri eftir athöfn í kirkjunni.

 

Allir velkomnir á meðan húsrúm leyfir.

 

Pylsur eða pulsur?

pylsa

Úr íslenskri orðabók:

pylsa,

pulsa -u, -ur KVK

langur og mjór himnubelgur fylltur (söltuðu og reyktu) kjötdeigi
vínarpylsa
spægipulsa
pylsubrauð
vínarpylsa í brauðhleif með m.a. tómatsósu, sinnepi, lauk (steiktum, hráum), remúlaði
eina pulsu með öllu nema hráum
Hvort er hvað eða hvað er hvort? Skiptir ekki máli.
Við grillum fyrirbærið klukkan 12:00 allir velkomnir sem eiga leið hjá!

Samtalsdagur á föstudag, 27.05.16

Á föstudaginn er samtalsdagur hér í skólanum. Þá ræða umsjónarkennarar við nemendur um hvernig hefur gengið í vetur, hvernig markmiðssetningin gekk og þá ekki síður hvernig gekk að ná þeim.

Umsjónarkennarar fara yfir félagslegu markmiðin með hverjum og einum nemanda, en félagsfærnin heitir nú samkvæmt Aðalnámskránni – lykilhæfni. Það verður því svolítið annað form á mati félagslegra markmiðanna.

Vonandi ná foreldrar að kynna sér námsmatið vel, mikil vinna hefur verið lögð í að meta hvert og eitt barn einstaklingslega útfrá þess markmiðum, styrkleikum og næstu skrefum í náminu.

En til þess að samtalið geti átt sér stað þarf að bóka samtal. Það er gert í Mentor og munið að þeir sem eiga börn í tónlistarskólanum þurfa líka að hitta Ragnar til skrafs og ráðagerða.

Sjá hér: https://www.youtube.com/watch?v=lLHx3ngQD6g&feature=youtu.be

ATH að skrolla þarf niður fyrir fréttalistann/tilkynningalistann til hægri á síðunni.

100

 

Þau eru farin út og suður!

sjöundiÞað er varla að maður geti sagt frá því öllu sem er að gerast í skólastarfinu okkar þessa dagana. 1. – 4. bekkur þutu út um allan bæ í ratleik í dag í alveg dásamlegu veðri.

8. og 9. bekkur lögðu land undir fót og eru í námsferð úti á nesi! Þar sofa þau í nótt í tjöldum á meðan Steini og Hanna María passa þau fyrir öllum draugunum sem þar leynast – bak við hvurn stein höfum við jafnvel heyrt!

Í dag fór svo 7. bekkur í Ásbyrgi – í frábæru veðri!

Frábær endir á góðum vetri!skálar

5. og 6. bekkur á faraldsfæti

Þeir hafa verið tíðindasamir síðustu tveir dagarnir hjá 5. og 6. bekk en þau eru í óvenju glæsilegu ferðalagi, enda hafa þau og foreldrar þeirra ásamt umsjónarkennar staðið í ströngum fjáröflunum undanfarið.

Krakkarnir hafa fari á minjasöfn, keilu, út í Hrísey, siglt út á Eyjaförðinn og svo átt kósístundir í bústöðum! Til hamingju krakkar með flott skólaferðalag og takk Hilma, Bonní og Ólína fyrir að fara með þeim í allt þetta! Það er nefnilega ekkert alveg sjálfsagt!