Jólastöðvar

gth

Verkefni frá jólastöðvum

Á fimmtudag og föstudag verða hinar árlegu jólastöðvar hér í skólanum. Skólastarf þessa tvo daga er tileinkað list og verkgreinum og verður fjölmargt í boði fyrir nemendur að gera á sex aldursblönduðum stöðvum.

Skólahald mun verða með eilítið breyttu sniði þessa daga hvað tímaramma varðar. Matur verður frá 12:00 – 12:30 og skólanum lýkur klukkan 14 á fimmtudag en síðar á föstudag sem er tvöfaldur dagur.

Á föstudag hjálpast nemendur að eftir að síðustu stöð þeirra lýkur klukkan 14:00 við að setja upp sýningu á þeim munum sem gerðir hafa verið þessa tvo daga.

Klukkan 15:00 er öllum foreldrum og systkinum, ömmum og öfum, frænkum og frændum boðið hingað í skólann til þess að sjá afraksturinn, njóta jólastemmningarinnar og horfa e.t.v. á eins og eina jólamynd með krökkunum. Að minnsta kosti tvær myndir verða sýndar, á ólíkum stöðum í skólanum. Kakó og smákökur verða í boði Samkaupa og foreldrafélagsins.

Búast má við að skólahaldi ljúki um 17:00 þennan dag og ekki verður skólabíll heim á föstudaginn.

Við vonumst svo sannarlega til þess að sjá sem flesta!

Til hamingju með afmælið!

bakkafjordurGrunnskólinn á Bakkafirði fagnar því nú í dag að 30 ár eru síðan húsnæði skólans var tekið í notkun.

Grunnskólastarf í fyrrum Skeggjastaðahreppi er þó mun eldra.

Við öll í Grunnskólanum á Þórshöfn óskum Bakkfirðingum og nærsveitungum til hamingju með daginn!

Þorsteinn Ægir í leyfi

hólmfríður

Steini okkar er nú farinn í fæðingarorlof fram yfir áramót. Við erum svo heppin að hafa fengið Katrínu Örnu Kjartansdóttur í afleysingar í sund og íþróttakennslu. Hún hefur verið í starfsþjálfun hjá Steina undanfarnar vikur og hefur verið með fótboltaæfingar í fjarveru Ásdísar Hrannar svo hún er farin að þekkja krakkana vel! Katrín er stúdent frá F.Su. fótboltakona og íþróttaálfur af guðs náð. Velkomin og Steini hafðu það gott!

Til eru fræ

Til eru fræ, sem fengu þennan dóm:
Að falla í jörð, en verða aldrei blóm.
Eins eru skip, sem aldrei landi ná,
og iðgræn lönd, er sökkva í djúpin blá,
og von sem hefur vængi sína misst,
og varir, sem að aldrei geta kysst,
og elskendur, sem aldrei geta mæst
og aldrei geta sumir draumar ræst.

Til eru ljóð, sem lifna og deyja í senn,
og lítil börn, sem aldrei verða menn.

Haukur syngur Til eru fræ e. Davíð Stefánsson

Abba labba lá

Hún hét Abba-labba-lá.

Hún var svört og brún á brá

og átti kofa í skóginum

á milli grænna greina

og trúði á stokka og steina.

En enginn vissi, hvaðan

hún kom í þennan skóg;

enginn vissi, hvers vegna

hún ærslaðist og hló,

og enginn vissi, hvers vegna

hún bæði beit og sló.-

Hún hét Abba-labba-lá.

Hún var svört og brún á brá

og gerði alla vitlausa,

sem vildu í hana ná.

Á villidýrablóði,

á villidýrablóði,

lifði Abba-labba-lá.

…Einu sinni sá ég

Abba-labba-lá.

Hún dansaði í skóginum,

svört og brún á brá.

Mér hlýnaði um hjartað

og hrópaði hana á:

Abba-labba,

Abba-labba,

Abba-labba-lá!

Þá kom hún til mín hlaupandi

og kyssti mig og hló,

beit mig og saug úr mér

blóðið, -svo ég dó.

-Og afturgenginn hrópa ég

út yfir land og sjá:

Varið ykkur, veslingar,

varið ykkur, veslingar,

á Abba-labba-lá.

Davíð Stefánsson frá Fagraskógi