Gott er að fá gesti

IMG_7745Á föstudaginn var gestkvæmt hér hjá okkur í skólanum en þá komu kennarar frá Hrísey í heimsókn sem og starfsfólk Grunnskólans á Borgarfirði eystri.

Það er ætíð sérlega ánægjulegt að fá gesti og við hverja komu lærum við eitthvað nýtt, því glöggt er gests augað. Það er líka gaman að segja frá skólastarfinu, heyra sögur frá öðrum skólum, hlægja saman og kynnast nýju fólki.

Takk fyrir að líta við hjá okkur og vonandi getum við endurgoldið heimsóknina fyrr en síðar!

Samlokusala á fimmtudaginn

frjálst nesti

Nú nálgast mánaðarmót og það þýðir bara eitt, ja eða tvennt! Samlokusölu 10. bekkinga sem er þeirra fjáröflun og sparinesti.

Hvernig væri nú að útbúa sérstaklega girnilega samloku eða taka með sér ávaxta og berjakokteil til að narta í með samloku þeirra í 10. bekk?

Pantanir verða teknar nú á miðvikudaginn.