Starfsmannamál skólans

Búið er að ráða tvo stuðningsfulltrúa til starfa næsta vetur, þær Anítu Dröfn Reimarsdóttur en hún mun sinna gæslu, frístund og vera til aðstoðar í 1. – 4. árgangi.

Oddný Sigríður Kristjánsdóttir hefur verið ráðin sem stuðnignsfulltrúi þvert á árganga í skólanum.

Við fögnum því að fá þessar góðu konur, aftur til starfa hjá okkur og þökkum öllum sem sýndu áhuga og viðbrögð við auglýsingu okkar um laus störf.

Enn vantar umsjónarkennara í 1. og 2. árgang næsta vetur en unnið er í að manna þá stöðu sem fyrst.

Framkvæmdir í skólanum í sumar

Það heyrast hamarshögg og sagarhljóð hér í skólanum um þessar mundir. Jói og hans menn hafa hreinsað gömlu loftplöturnar niður úr tveimur stofum, sem nú heita Hóll og Grenjastaðir (vinnuherbergi starfsmanna og langa stofan sem var umsjónarstofa 7. og 8. bekkjar í vetur). Nú er verið að setja nýjar plötur í loftin. Mikil viðbrigði verða við þessar framkvæmdir og strax finnst munur á loftinu í skólanum! Einnig verða sett upp ný ljós. Við þetta mun vinnuaðstaða nemenda og starfsfólks batna til muna því þungt loft var í þessum tveimur stofum og ljósin afar hávær enda búin að þjóna sínu vel í 40 ár!

Þetta er mikið framfara skref og þakkarvert framtak!