Vika atvinnulífsins

Vika atvinnulífsins

Í þessari viku eru einungis tveir kennsludagar, þ.e.a.s. ef af verkfalli verður, en hún er tileinkuð atvinnulífi staðarins.

Nemendur munu kynnast störfum sveitarstjórnar, verkefnum sveitarfélaga, starfsemi fyrirtækja á svæðinu eða vera í öðrum verkefnum sem skilgreind eru og skipulögð í sameiningu af skóla og heimilum. Þau verkefni eru þess eðlis að nemendur fara t.d. í sauðburð eða vinna undir stjórn annarra en kennara.

Á morgun þriðjudaginn 13. maí er starfsdagur, tileinkaður skólanámskrárgerð. Jakob Frímann Þorsteinsson og Vanda Sigurgeirsdóttir munu stýra vinnunni en þar verður meðal annars fjallað um útinám og leiðir til að auka fjölbreytni í kennsluháttum.

Á fimmtudag má ætla að sé verkfall (fylgist vel með fréttum) og á föstudaginn er samtalsdagur. Foreldrar eru minntir á að skrá samtalstíma sem þeim hentar á mentor.

Hér má finna skemmtilega grein eftir Jóhannes Kr. fréttamann um unga menn hér á staðnum sem stunda sjóinn þó ungir séu.

http://johanneskr.is/aevintyri-vid-bryggjuna-a-thorshofn/

Kennarar samþykkja vinnustöðvun

Kennarar samþykkja vinnustöðvun

Nú á fimmtudaginn, 15. maí er fyrsti verkfallsdagur af þremur sem hefur verið boðaður hjá Félagi grunnskólakennara. Ef af verður, er því engin kennsla hér í GÞ þar sem allir þeir sem sinna kennslu hér í skólanum eru í FG.

Skólastjóri og stuðningsfulltrúar verða við vinnu.

Það er von mín að vinnudeila leysist sem fyrst með sem farsælustum hætti fyrir alla hlutaðeigandi.

Samtalsdagur á föstudag

Samtalsdagur á föstudag

Á föstudaginn kemur verður samtalsdagur hér í skólanum okkar. Foreldrar og/eða forráðamenn eru beðnir um að skrá sig á Mentor. Hér fylgir með myndband um það hvernig þið skráið ykkur á ákveðinn tíma – fyrstur kemur, fyrstur fær!