Nemendur GÞ telja agamál skólans vera á batavegi

Nemendur GÞ telja agamál skólans vera á batavegi

Samkvæmt Skólapúlsi nú í vor meta nemendur það svo að agamál hafi batnað mjög frá því haust og er það afskaplega gleðilegt því með batnandi agastjórnun batnar líðan, vinnusemi eykst og árangur batnar. Enn eigum við þó langt í land með að ná landsmeðaltali ef litið er til vetrarins í heild. Sé hins vegar horft á niðurstöðu nú í apríl, erum við nánast á pari við landsmeðaltalið. Á þessari mynd má sjá að batamerkin eru augljós! Húrra fyrir okkur!

Áhugi á stærðfræði eykst í GÞ

Áhugi á stærðfræði eykst í GÞ

Nú eru niðurstöður nemendakönnunar Skólapúlsins komnar í hús og þar kemur í ljós að áhugi á stærðfræði er jafnt og þétt að aukast hér í skólanum. Áhugi hefur aukist um 0.6 stig síðan í haust (sem telst umtalsverð breyting) og er komin úr 4,2 upp í 4,8 en áhugi á stærðfræði á landsvísi mælist 5,5, stig samkvæmt Skólapúlsinnum! Það er ánægjulegt að sjá svo mikinn meðbyr með stærðfræði í 6. – 10. bekk, en stærðfræði er ein af kjarnagreinum grunnskólans.